മനുഷ്യനു തലകുനിക്കാന് ഇടവന്നു. മര്ത്ത്യര് അവമാനിതരായി. അഹങ്കാരികള് ലജ്ജിതരായി.
ഏശയ്യാ 5:15
സൈന്യങ്ങളുടെ കര്ത്താവ് നീതിയില് ഉയര്ന്നു നില്ക്കുന്നു; പരിശുദ്ധനായ ദൈവം നീതിനിഷ്ഠയിലൂടെ തന്റെ പരിശുദ്ധി വെളിപ്പെടുത്തുന്നു.
ഏശയ്യാ 5:16
അപ്പോള് കുഞ്ഞാടുകള് മേച്ചില്പുറങ്ങളിലെന്നപോലെ അവിടെമേഞ്ഞുനടക്കും. കൊഴുത്ത മൃഗങ്ങളുംആട്ടിന്കുട്ടികളും അവിടത്തെനഷ്ടാവശിഷ്ടങ്ങള്ക്കിടയില് മേയും.
ഏശയ്യാ 5:17
നുണയുടെ കയറുകൊണ്ട് അകൃത്യത്തെ വലിച്ചിഴയ്ക്കുന്നവനു ദുരിതം! പാപത്തെ കയറുകെട്ടി വലിക്കുന്നവനു ദുരിതം!
ഏശയ്യാ 5:18
കര്ത്താവ് വേഗം തന്റെ പ്രവൃത്തി നിറവേറ്റട്ടെ, നമുക്കു കാണാമല്ലോ; ഇസ്രായേലിന്റെ പരിശുദ്ധനായവന്റെ ലക്ഷ്യം ആ സന്നമാകട്ടെ, അതു നമുക്ക് അറിയാമല്ലോ എന്ന് അവര് പറയുന്നു.
ഏശയ്യാ 5:19
അതിനാല്, പാതാളത്തിന്റെ ആര്ത്തി വര്ധിച്ചിരിക്കുന്നു. സീമാതീതമായി അതു വായ് പിളര്ന്നിരിക്കുന്നു. ജറുസലെമിലെ കുലീനരും സാധാരണരും അവിടുത്തെ വലിയ ആള്ക്കൂട്ടവും അവളില് അഭിമാനം കൊള്ളുന്നവരും അതില് പതിക്കുന്നു.
ഏശയ്യാ 5:14
തിന്മയെ നന്മയെന്നും നന്മയെ തിന്മയെന്നും വിളിക്കുന്നവനു ദുരിതം! പ്രകാശത്തെ അന്ധകാരമെന്നും അന്ധകാരത്തെ പ്രകാശമെന്നും ഗണിക്കുന്നവനു ദുരിതം! മധുരത്തെ കയ്പായും കയ്പിനെ മധുരമായും കരുതുന്നവനു ദുരിതം!
ഏശയ്യാ 5:20
